بسم الله والحمد لله والصلاة والسلام على رسول الله وعلى آله وصحبه



خلااااااص .. بدأ شهر رمضان


كل عام وأنتم بخير


أسأل الله أن يرزقنا فيه العمل الصالح ويرزقنا صيامه وقيامه على الوجه الذي يرضيه عنا ويرزقنا الإخلاص في القول والعمل


السنة ديه إن شاء الله فيه مفاجأه جديده وهى سلسلة جديده


ستكون بشكل جديد ان شاء الله


لكن قبل أن نبدأ في السلسلة .. في كلمة لازم تتقال قبل بداية الصيام


السؤال : حتصوموا رمضان ؟؟ ا


انت جاى تهرج بقه ولا ايه ؟!! .. هو ايه اللى حنصوم رمضان !! اكيد يعنى حنصوم رمضان


طيب حتصوموا ليه ؟؟


علشان ده شهر رمضان ،،، علشان كل الناس بتصوم ،،، علشان اتعودنا نصوم من صغرنا


ديه كلها اجابات متحققش الغرض


طيب نعمل ايه .. نصوم ازاى ؟؟ نصوم ليه ؟؟ و ايه هدفنا ؟؟


في الحديث أن جبريل عليه السلام قال : بَعُدَ من أدرك رمضان فلم يُغفَر له ، فقال النبي صلى الله عليه وسلم : آمين


فاجعل هدفك من شهر رمضان أن يُغفر لك .. علشان متكونش من المبعدين الخاسرين الخائبين


طيب ازاى نحقق هدفنا ده وازاى يُغفر لنا ؟؟


فيه ثلاث حاجات .. نركز عليهم لعل احداها تُقبل



الفرصة الأول :


قال صلى الله عليه وسلم : ( من صام رمضان إيمانا واحتسابا غفر له ما تقدم من ذنبه )ا

وديه من اسهل الطرق ليُغفر لك .. أن تصوم رمضان .. لكن الشرط

إيمانا واحتسابا


وهو ده نفسه جواب السؤال الأول : حنصوم ليه .. حنصوم ايمانا واحتسابا


إيمانا :
أى إيمانا بالله وتصوم لأن الصيام فرض فرضه الله علينا ولأنه عباده .. مش
بتصوم لان كل الناس بتوصم او اتعودنا اننا بنصوم في رمضان

احتسابا : احتسب الاجر يعنى تصوم وانت حاطط في دماغك الاجر والثواب بتاع الصيام وانك بهذا الصيام سيُغفر لك ما تقدم من ذنبك



الفرصة الثانية :

قال صلى الله عليه وسلم : ( من قام رمضان إيمانا واحتسابا ، غفر له ما تقدم من ذنبه . )ا

الفرصة الثانية انك تصلي القيام في رمضان وتقوم ليله وبرضه بنفس الشروط السابقة :

ايمانا واحتسابا

واعلم ان من اسهل الطرق لقيام الليل ان تقوم... مع الامام لحد ميخلص خالص .. بكده بتكتب لك قيام الليلة كلها

قال صلى الله عليه وسلم : إنه من قام مع الإمام حتى ينصرف كتب له قيام ليلة


يعنى صلى التراويح ومتمشيش لحد ما الصلاة كلها تخلص



الفرصة الثالثة :


قال رسول الله صلى الله عله وسلم من قام ليلة القدر إيمانا واحتسابا ، غفر له ما تقدم من ذنبه )ا

الفرصة الثالثة قيام ليلة القدر ايمانا واحتسابا

وطبعا احنا منعرفش هى انهى ليلة بالتحديد

فنجتهد في العشر الاواخر ونقومهم كلهم ان شاء الله




فنصوم إيمانا واحتسابا .. و هدفنا أن يغفر الله لنا






جزاكم الله خيرا وانتظروا بدأ السلسلة إن شاء الله


أسأل الله أن يرزقنا الإخلاص


أبسط ما تساهم به نشر الموضوع ولو بالايميل لأصدقائك