هذا احمد هذا احمد هذا ابوي اللي رحــــل
تعبان في بعــــدك انا ياربي الهمـني الصبر

حياتي في بعدك يبه غريبه وتوحي بالملل
تركتني بعدك يبه حزين ودمعــــي منهمر

كنت في حياتي كل شي كنت السعادة والأمل
سمعتني احلى الكلام نظمت لي احلى الشعر

والفلك منك اعرفه هذا عطارد ذا زحــــل
وبالجرايد يا يبه موسم رياح موسم مطر

علمتني الصبر الجميل شديد صامد كالجبل
من المرض دايم تقول حكم الله خالق هالبشر

يا ما قرينا يا يبه سورة تبارك والنحـل
وعرفنا حكمة ربنا وبها كثير من العبر

لكن انا مهما حكيت ومهما اقول من الجمل
لو احكي في وصفك سنين كلامي نقطة في بحر

للوالده مني تعزيه واخواني وكل الأهل
وكل من تعنى لأجلنا له المعزة والشكر

ويمه ابد لاتحزني انا معك لين الأجـل
ربي يخليك لنا حفظ العــزيـز المقتدر

ارجوك ياربي تجيب دعوة عبد مبتهل
ادعوك يــارب العباد ترحم ابي في القبر
يالله ياربي ترحمه بعد المرض وبعد العلل
اطلبك ربي ترحمه وقت الضحى ووقت الفجر

واجمعه يارب السماء مع الصحابه والرسل
وتسكنه جنات النعيم والنور حوله في القبر

وجنات عدن تسكنه لاتعب فيها ولا كلل
واجعـله ربـــي مطمـــئن يوم الميـعاد المنتظر

هذا ابوي هذا العالم هذا هو الرجل
هذا ابوي اللي رحـل هذااحمد وفيــه افتخر

يالله يارحمن لاترد عبد لك ســـــأل
المـوت حق وكلنـ لابـــد يـوم بـــه نمــــر

الحمد لله في كل حال وعلى كل ماحصل
راضين في حكمك يارب هذا قضاك والقدر


اللهم اغفر له وارحمه ووسع مدخله واغسله اللهم بالماء

والثلج والبرد ونقه من الخطايا كما ينقى الثوب الابيض من الدنس

اللهم امين اللهم امين اللهم امين