ارتاح يالغلا وغمض عيونك...
همٍ حملته لابد يوم تنساه...
وحلمٍ تمنيته لابد يوم تلقاه...
وصديقٍ ماشفته يوم انك نخيته راح يجيه يوم يحتاجك ويبيك احذاه...
وقلبٍ حبيته وبعد الحب جفاك...
راح يتمنى في يوم وقفتك ويبيك تسمع ولو آه...
باكر تلتئم كل آلآمك...وبعد صمتك نسمع ضحكتك وبلسم كلامك...وتنشف من على خدك
دموعك...ونشوف بسمتك و نظرة عيونك.
باكر تعييش أحلى أيامك...وتشوف كل أمانيك وأجمل أحلامك...وتشرق في محياك شمس
المحبة...وتشوف خلك وإلي تحبة.
مثل يالغالي ماكان صدرك يضيق... راح ترتاح وينفتح قدامك كل الطريق...وتكون لك الأيام أحلى صديق...وتفتح لسنينك صفحة جديدة وتنسى كل ماكان عتيق.
باكر تتفتح في وجهك كل الزهور...ومن الفرحة ترقص على أنغام الطيور...وبسمتك تقهر عذالك وتحرق قلب الغيور.
ارتاح يالغلا وغمض عيونك...
قلبٍ تعب في الأول لابد اليوم يرتاح...وعين غرقت بالدموع لابد اليوم توقف وتنسى كل الجراح...ويدٍ عطت ومابخلت لابد اليوم تحس بالدفا دام القلب علمها السماح.
راح يجي اليوم إلي أهنيك بأيامك ويكون الحزن ماضي ينطوي في صفحة ذكرياتك...
راح أعلمك كيف بفرحتك توقد كل الشموع...
وأعلمك كيف بقوتك تخلي الدنيا تذوق طعم الخضوع...
و كيف ابسمتك تحرق كل هم كان ساكن في الضلوع...
ولك مني يالغلا أوقف بجمبك ...
واشارك معك في فرحتك مثل ماشاركتك همك...
وخذ مني يالغلا كل الحنان...
ابيك تحس بقربي مثل ماقربك علمني الأمان...
بس أنت عطني أيدك وحاول تنسى الماضي والأحزان...
خلني أهني نفسي فيك يا أعز وأغلى إنسان.
بضعفك تخلي الدنيا تقسى عليك...وأنا يالغلا ماقدر على الدنيا بدونك...شد حيلك ولاتخاف مادام بجمبك من يضحي لك وبعمره و يصونك...
حال الدنيا يالغلا كذا..
بعد التعاسة سعادة... وبعد الجراح أفراح.
وأقولك بالأخير....
ارتاح يالغلا وغمض عيونك...