موضوع: تعالوا بسرعة نستعد لرمضان! الجمعة يوليو 22, 2011 5:48 pm
تذكير بمساهمة فاتح الموضوع :
السلام عليكم ورحمة الله وبركاته
إخوتي في الله
باقي على شهر رمضان الكريم أيام قليلة
ونحن في حياتنا الدنيوية الزائلة الخادعة عندما نعرف أن هناك ضيفاً يهمنا أمره قادم بعد قليل نكون على أهبة الإستعداد
لذا فأرى ويرى الكثيرين أن شهر رمضان المبارك أولى بكثير من أتخن ضيف عندنا! لذا يجب علينا إخوتي أن نترك ما ورائنا وما أمامنا ونهتم بهذا الشهر الكريم وأن نعيد ترتيب أولوياتنا هذه الأيام حتى نفوز بهذا الشهر العظيم
طالما استعدينا لإمتحان أو لمسابقة أو لمناسبة أو لضيف مهم
أفلا نستعد لرمضان؟!
طبعاً مش هناخد أجازة من أشغالنا ونستناه ولا هنحوش له فلوس ولا هنلبس له أحسن لبس أو الكلام دة كله
لا لا
إستعدادنا لرمضان شىء آخر تماماً
وعشان نستعد له صح خاصة أنه باقي القليل(ولا أعتبره قليلاً جداً) لازم نعرف أهمية هذا الشهر الكريم العظيم لأنه بدون معرفة أهميته لن نستعد له كما يجب
طبعاً كلكم هتقولوا وهو مافيش حد يعرف أهمية شهر رمضان والثواب الي فيه؟!
هقولكم آه فيه كتير ويمكن أنا أولكم!
على الأقل نذكَّر أنفسنا ليكون دافعاً لنا في هذا الشهر الكريم
رمضان على الأبواب هل من مشمر؟
هل من متابع؟!
يتبع
كاتب الموضوع
رسالة
hosam
...::| عضــوية خـاصة|::...
عدد المساهمات : 1865
موضوع: رد: تعالوا بسرعة نستعد لرمضان! الجمعة يوليو 22, 2011 5:59 pm
كلنا نذنب
وكلنا(بإذن الله) نتوب!
لأن من الفروق الجوهرية بين المتدين وغيره أنه يذنب فيتوب بينما غيره يذنب فلا يتوب!
أو يتوب بعد مدة عندما يتدين!
أو لا يواظب على التوبة قدر مواظبته على الذنوب!!!!
أو من الأساس لا يشعر أن ما يفعله ذنب يجب عليه التوبة منه!
لكن المتدين غير كدة خالص
المهم إنه كلنا نذنب ونتوب(أتحدث عن أننا متدينين)!
متفقين عليها دي؟
طيب في رمضان نلاحظ بشكل كبييييييييير إنه الذنوب بتقل كتيييييير والطاعات بتزيد أضغاف مضاعفة ربنا يزيد ويبارك
دي متفقين عليها برضه؟ مش كدة؟
حتى غير المتدينين يقبلون عالقرآن والصلوات والتراويح (وطبعاً الصيام فرض) وغض البصر قدر إستطاعته والمرتشي يأجل الرشاوي لبعد رمضان! والسافرة تحط لها طرحة على راسها! والمتبرجة تتلم شوية في ملابسها! و00إلخ
والكل سواء المتدين أو غير المتدين بيزيد في الطاعات والنوافل والدعاء والتوبة والحمد لله!
دة حتى قصص توبة الكثيرين وتدينهم (وأنا منهم) كانت بدايتها في رمضان أو كان رمضان عامل حاسم في هذا التدين أو تلك التوبة دة كله كويس وعظيم ورائع ويارب يدوم ويزيد ويبارك
بس حد منكم سأل نفسه هو ليه بيحصل كدة؟!
اشمعنى رمضان يعني؟
هل لأن الشياطين متسلسلة؟!
هل لأنه شهر مبارك تتنزل فيه الملائكة؟
هل لأن الصيام يهذب النفس ويجعلها أكثر تقبلاً للطاعات؟
أكيد دي كلها أسباب بالفعل مقبولة وتفسرات معقولة لما نجده في رمضان من طاعات وقلة معاصي
لكن في سبب تاني يا جماعة يمكن أهم من كل ما سبق!
عارفين إيه هو؟!
دة موضوع فقرتنا القادمة بإذن الله
بس قبل ما أقوله عاوز أقدم له لأنه يستاهل!
السبب دة معرفته مهمة جداً على فكرة لأن لو احنا عرفناه هنحاول نوجده أو على الأقل نوجد ما يشببه في بقية الأيام لنكون على طاعة وبعد عن المعاصي بشكل أكبر ومقارب لرمضان(وإستحالة نطيع مثلما نفعل في رمضان!)
السبب دة سبق ونوهت عنه أكثر من مرة وفي أكتر من موضوع ولكن لأهميته الشديدة وصعوبة الحديث عنه بالإضافة للإنشغالات تارة والكسل تارات! وظروف أخرى كنت أؤجل الحديث عنه وأسوف حتى أنساه!
دة غير إنه بمعرفته هتلاقوا تفسيرات لحاجات كتير يمكن حصلت وبتحصل أمامكم وتندهشون لها!
طيب أنا عاوز أقول إيه؟!
يا ترى المقدمة الطويلة دي كلها عشان مين؟!
فقرتنا القادمة بإذن الله إخوتي عن حاجة عظيمة اسمها
الجو الإيماني!
طيب يعني إيه؟ وإزاي؟ وليه؟ وامتى؟ ودليلك؟ وفين؟ و000000000كل أدوات الإستفهام بإذن الله سنجيب عنها في فقرتنا القادمة عن
الجو الإيماني!
تابعونا ومش تملوا مننا!
بدل ما تمسك الريموت وتقلبنا 0000امسك أعصابك واستحملنا!
يتبع إن شاء الله0000000000
محمد
ابن العراق
...::| عضــوية خـاصة|::...
عدد المساهمات : 1905
موضوع: رد: تعالوا بسرعة نستعد لرمضان! الجمعة يوليو 22, 2011 8:58 pm
