حييت يا ضيف عزيزٍ وله شان **** ضيف على كل المسلمين غالي
في مقدمه كلٍ يبارك وفرحان **** من أقصى جنوب الأرض حتى الشمالي
بالشرق واللي يسكن بغرب الأوطان **** كلٍ تحرى جيته بأحتفالـي
شهر رمضان اللي نزل فيه قرآن **** فيه الهدى والنور والأكتمالي
أمــة محمد تحتفل فيه وكدان **** وكلٍ يبشر صاحبه بالهلالي
فيه التسامح والتواصل والأحسان **** وتقبل به الأعمال أول وتالي
به ليله ما مثلها صار أو كان **** ليله عظيمه غير كل الليالي
ما تعادل بألف شهر وحسبان **** أو أنها أعظم ما يفوق الخيالي
ومن لا عمل به خيــر نادم وخسران **** وساعات من لا قامها ما يبالي
شهر الصيام أيام تمضي كالأزمـان **** ولا يغتنمها كود مسلم مثـالي
يكثف المجهود والصبر بأيمان **** ومن لا صبر هيهات يرقى المعالي
شهر الكرم والخيـــر يكثر به ألوان **** والشح بابه ينغلق بأنقفالي
وبه رحمه للناس من عند رحمــان **** صدق وصمايل ما نقول أحتمالي
والثاني للي يبي فيه غفران **** يجهد ويترك عنه قيل وقالي
والثالثه يعتق من أحدود نيران **** يوم الصراط وحدها بشتعالي
يحظي بعوفه من نهض حظه وزان **** ولا من جواب كود قبله سؤالي
وأرجو السموحه يا سليمين الأذهان **** أريد أذكر يوم جاله مجالي
صفوا ظمايركم بصدق وأتقان **** وزودوا بتقوى الله رب الجلالي
وصلوا الرحم مطلوب ما بين الأخوان **** وياجب نواصل كل عم وخـال
بر الأهل في كل الأحيان **** أهمها حشمه أثنين غوالي
حشمه وتقدير وعطف وأحسان **** للوالدين المرحمه والجلالي
تملك مشارك في فرحهم والأحزان **** وأبعد عن التعصيب والأنفعالي
ويا القرم تكفه حط للسانك عنان **** عن لا تطيح بزله وأنت سالي
وترى نشوء المشكله زلت ألسان **** تبعدك عن قرب الرفيق الموالي
وأبغى أتجواز عن خطأ كل غلطان **** وترى التسامح شيمة للرجالي
يا محلى شوف الجماعه مسيان **** وكل ٍ على الثاني عزيز وغالي
عقب العباده وسط ديوان **** وكلٍ وقلبه من بلا الغش خالــي
في مجلسٍ ما به كذوب وفتــان **** ولا فيهم اللي للرذيلات مالي
وسوالفن مصدره كنه الدان **** تشفي كبودٍ يعتريها اعتلالي
هذي طراة العمر من قبل الأكفان **** والعمر لحظه وأخره للزوالي
وليا تجمعنا على خير الأديان **** فزنا وصرنا قدوه للجيالي
وبين الصحيح ومجمل الزيف شتان **** وما بين الأول والأخير اختلالي
وتمة وصل الله على خير إنسان **** نبينا المختار بتلي المجالي
وشكرآ
منقووول
